Back تمدد الزمن الثقالي Arabic Гравитационно забавяне на времето Bulgarian Dilatació gravitacional del temps Catalan Gravitational time dilation English Dilatación gravitacional del tiempo Spanish اتساع زمان گرانشی Persian התרחבות זמן כבידתית HE Gravitacijska vremenska dilatacija Croatian Gravitációs idődilatáció Hungarian Dilatazione temporale gravitazionale Italian
Gravitasjonell tidforlenging eller gravitasjonell tidsdilatasjon er ein faktisk skilnad i forløpt tid mellom to hendingar målt av to observatørar som er på ulik stad og i område med forskjellig gravitasjonspotensial. Dess lågare gravitasjonspotensialet er (dess nærare klokka er gravitasjonskjelda), dess treigare går tida. Albert Einstein var den første til å føresjå denne effekten i relativitetsteorien hans og det har sidan vorte stadfesta eksperimentelt. Det har vorte demonstrert at atomklokker i forskjellige høgder (og dermed forskjellig gravitasjonspotensial) etter kvart syner forskjellig tid. Effektane av slike eksperiment er ekstremt små og skilnadane vert målte i nanosekund. Gravitasjonell tidsforlenging vart først skildra av Albert Einstein i 1907 som ein konsekvens av spesiell relativitet i akselererte referansesystem. I generell relativitet vert det rekna å vere ein skilnad i forløpt eigentid ved forskjellige posisjonar skildra av ein metrisk tensor i romtid. At det faktisk finst gravitasjonell tidsforlenging vart først stadfesta direkte i Pound–Rebka-eksperimentet.